Petri altera
II Petr.
Petri altera
1,3 Per cognitionem eius, qui vocavit nos propria gloria et
virtute. Grece est ‘per gloriam et virtutem’, et hoc ‘virtutem’
differt ab illo, quod uno versu antecedit:
divine virtutis sue, nam
illud est potentie et potestatis sue, hoc autem quod, ut iterum
dixi, proprie latine dicitur ‘virtus’, ut etiam in sequentibus bis:
in fide vestra virtutem, in virtute scientiam.
1,5 Ministrate in fide vestra virtutem. Grece est: ‘summini-
strate’ sive ‘administrate’ sive ‘suppeditate’ sive ‘impendite’ non
enim a ‘minister’ hoc verbum grece deducitur, sed a ‘prebeo’ vel
‘impendo’. Idem loquor de sequenti loco:
Sic enim abundanter.
ministrabitur
1,8 Non vacuos. Idest ‘vacantes’, ‘ociosos’ et ‘pigros’.
1,10 Quapropter, fratres, magis satagite, et iterum posterius
prope epistole calcem. Maluissem ego dicere: ‘nitimini’, ‘elabo-
rate’ sive, quod greco omnino respondet, ‘studete’ sive ut paulo
post:
Dabo autem operam, quod optime dicitur pro eo quod est
‘studebo’.
1,12 Propter quod incipiam vos semper commonere de his, et
quidem scientes [et] confirmatos vos. Grece est: ‘propter quod
non desinam semper de bis vos commonere quanvis intelligentes
et confirmatos’ nam quomodo potest semper incipere cum incep-
tio semel fiat?
1,16 Non enim indoctas fabulas secuti. ‘Doctas’ legendum est,
pagina successiva »