La Bibbia nel Cinquecento: edizioni interpretazioni censure
Biblia, Ex » Sozzini, Lelio Brevis explicatio in primum Iohannis caput - p. 120



In mundo erat, et mundus per ipsum factus est, et mundus eum non cognovit

Mundum hic vocat non coeli machinam et sphaeras, sed homines.
Quid enim hoc esset ad rem, Christum non esse cognitum a machina
coeli et sphaeris? Vox mundi apud Iohannem saepe pro hominibus
accipitur. Sic «icona citazioni  Deus dilexit mundum, ut filium suum unigenitam daret»
(Iohan., III) hominibus certe, non sphaeris coelestibus. Sic «icona citazioni  Non
venit ut iudicet mundum, sed ut servetur mundus per eum», «icona citazioni  Christus
salvator mundi», «icona citazioni  Tollit peccata mundi», «icona citazioni  Dat vitam mundo»,
et «icona citazioni  Carnem pro mundi vita».
In mundo ergo fuit, inter homines versatus est, et praecipue inter
Israelitas, quorum reformandorum et salvandorum causa primum venit.
Christum autem ex Maria natum describit; nam illum aeternum Chris-
tum confictum, inter homines versatum nusquam legimus. icona citazioni  Qui ergo
Christum venisse non in carne, sed ante carnem dicit, Antichristus est
(I Iohan., IV). Intelligitur ergo de adventu Christi hominis, videlicet
in carne, in mundum.

pagina successiva »